Árið 2022 héldum við sjálfbærnidag Landsbankans í fyrsta skipti, áætluðum losun gróðurhúsalofttegunda frá útlánum okkar í annað sinn og skuldbundum okkur til að setja vísindaleg loftslagsmarkmið. Sex áhugaverð verkefni hlutu styrk úr Sjálfbærnisjóði Landsbankans í fyrstu úthlutun úr sjóðnum og við héldum mjög góðri einkunn í uppfærðu UFS-áhættumati Sustainalytics.  

Við leggjum okkur fram við að þekkja umhverfisáhrifin af starfsemi okkar. Vinna við að greina kolefnisspor okkar og áhrif á samfélagið heldur áfram.

Hjá Landsbankanum starfar fjölbreyttur hópur fólks með ólíka þekkingu, reynslu og bakgrunn. Reynslan sem býr í starfsfólkinu styrkir stoðir rekstrarins á meðan fjárfesting í öflugri endurmenntun, starfsþróun og ráðning nýrra starfskrafta tryggir stöðuga framþróun. 

Við tökum þátt í margvíslegum verkefnum sem stuðla að uppbyggingu og framþróun í samfélaginu. Við styðjum fjölbreytt verkefni með fjárframlögum úr Samfélagssjóði og veitum námsstyrki. Við birtum víðtækt efni um efnahagsmál og leggjum okkar af mörkum til að efla fræðslu um fjármál.

Við fylgjum viðmiðum Global Reporting Initiative (e. GRI Standards) og gegnir árs- og sjálfbærniskýrslan einnig hlutverki framvinduskýrslu til UN Global Compact, hnattræns samkomulags Sameinuðu þjóðanna. Við munum áfram styðja við hnattræna samkomulagið og fylgja viðmiðum þess.

Við fylgjum viðmiðum Global Reporting Initiative (e. GRI Standards) og gegnir árs- og sjálfbærniskýrslan einnig hlutverki framvinduskýrslu til UN Global Compact, hnattrænu samkomulagi Sameinuðu þjóðanna. Við munum áfram styðja við hnattræna samkomulagið og fylgja viðmiðum þess.

GRI Standards tilvísunartafla við árs- og sjálfbærniskýrslu bankans 2022

Viðauki við GRI Standards tilvísunartöflu Landsbankans 2021

Viðmið um ábyrga bankaþjónustu: Framvinduskýrsla fyrir árið 2022

GRI Standards tilvísunartafla og fleiri fylgiskjöl

Medium

Sjálfbærniuppgjör

Samstarf, stuðningur og fræðsla

Helstu sjálfbærniverkefni

Stjórn og skipulag

Árs- og sjálfbærniskýrsla Landsbankans 2022

Ánægðari viðskiptavinir

Stjórnarhættir

Ávarp bankastjóra

Fyrirtæki

Einstaklingar

Loftslagsmál

Ávarp formanns bankaráðs

Áhættustjórnun

Sjálfbærni

Fjármögnun

Snjallari bankaþjónusta

Fjármál og ársreikningur

Fylgiskjöl ársskýrslu

Mannauður og jafnrétti

Eignastýring og miðlun

Stefna

Helstu fréttir 2022

Helstu atriði ársreiknings

Fyrirvari

Árangur Landsbankans árið 2022 var góður og bankinn náði flestum markmiðum sem hann setti sér. Skýr stefna og markviss vinna hefur meðal annars leitt til þess að einstaklingum og fyrirtækjum í viðskiptum hefur fjölgað mikið og markaðshlutdeild bankans á einstaklingsmarkaði hefur aldrei verið hærri. Það var líka mikil viðurkenning þegar bankinn mældist efstur í Íslensku ánægjuvoginni meðal viðskiptavina á bankamarkaði fjórða árið í röð.

Á árinu gekk grunnrekstur bankans vel. Fjármálaþjónusta til fyrirtækja, einstaklinga og fagfjárfesta jókst að umfangi og tekjur jukust. Krefjandi aðstæður á hlutabréfamörkuðum höfðu áhrif á afkomu bankans á árinu og arðsemi bankans var undir áætlunum. 

Yfirskrift stefnu Landsbankans er „Landsbanki nýrra tíma“ og er heiti hennar ætlað að endurspegla sýn bankans á stöðuga framþróun og mannlega bankaþjónustu í síbreytilegum heimi. Innleiðing stefnunnar hófst í ársbyrjun 2021. Stefnan var uppfærð í lok árs 2022 í ljósi þess að við höfðum þegar náð ýmsum markmiðum á undan áætlun.

Góðir stjórnarhættir leggja grunninn að traustum samskiptum hluthafa, bankaráðsmanna, stjórnenda, starfsfólks, viðskiptavina og annarra hagsmunaaðila og stuðla að hlutlægni, heilindum, gagnsæi og ábyrgð í stjórnun bankans. Við fylgjum viðurkenndum leiðbeiningum um stjórnarhætti og birtum árlega stjórnarháttayfirlýsingu með árs- og sjálfbærniskýrslu bankans.

Hér er að finna helstu fréttir af starfsemi Landsbankans árið 2022.

Við viljum að viðskiptavinir okkar geti sinnt öllum sínum bankaviðskiptum hvar og hvenær sem er. Á árinu héldum við áfram að fjölga aðgerðum í appinu og netbankanum, við settum Aukakrónurnar í símann og Spara í appi sló í gegn. Við héldum líka áfram að styrkja grunnkerfin okkar enda þarf öll framþróun að byggja á traustum tæknilegum grunni. 

Við bjóðum snjalla og sveigjanlega þjónustu til að einfalda líf viðskiptavina okkar og erum til staðar þegar á reynir. 

Við studdum við vöxt og viðgang atvinnulífsins með því að lána til áhugaverðra verkefna og styðja við uppbyggingu og rekstur fyrirtækja. Útlán bankans jukust umtalsvert og fjöldi nýrra fyrirtækja kom í viðskipti. 

Viðskiptavinum Eignastýringar og miðlunar hélt áfram að fjölga og mikil ánægja var með verðbréfaviðskipti í appinu, aðrar tæknilausnir bankans sem og ýmsar nýjungar í gjaldeyrisviðskiptum. Þrátt fyrir erfiðar aðstæður á mörkuðum var árangur við ávöxtun sjóða tiltölulega góður.

Hagnaður Landsbankans á árinu 2022 nam 17,0 milljörðum króna eftir skatta, samanborið við 28,9 milljarða króna á árinu 2021. Arðsemi eigin fjár var 6,3% á árinu 2022 eftir skatta, samanborið við 10,8% arðsemi árið áður.

Fjármögnun Landsbankans grundvallast á þremur meginstoðum: Innlánum frá viðskiptavinum, fjármögnun á markaði og eigin fé. Lánshæfiseinkunn Landsbankans er metin BBB/A-2 með stöðugum horfum af S&P Global Ratings.

Áhætta er samofin allri starfsemi Landsbankans og öflug og traust áhættustjórnun er því lykilþáttur í rekstri bankans. Áhættustjórnun felur í sér greiningu, mat, upplýsingagjöf og stýringu á öllum áhættuþáttum.

Hér má nálgast öll helstu fylgiskjöl árs- og sjálfbærniskýrslunnar svo sem ársreikning, fjárhagsbók, stjórnarháttayfirlýsingu, áhættuskýrslu, tilvísunartöflu sjálfbærniskýrslu og viðauka hennar.

Í árs- og sjálfbærniskýrslu Landsbankans er fjallað um þjónustu Landsbankans við einstaklinga og fyrirtæki, nýjungar í stafrænni þjónustu, sjálfbærni og mannauðs- og jafnréttismál.

Rafræna árs- og sjálfbærniskýrslan er birt með fyrirvara um villur. Komi í ljós innsláttarvillur, misfellur eða önnur augljós mistök í rafrænu árs- og sjálfbærniskýrslunni áskilur Landsbankinn sér rétt til að leiðrétta og uppfæra rafrænu árs- og sjálfbærniskýrsluna til samræmis við þær leiðréttingar hverju sinni.

Landsbankinn hf.
Austurstræti 11, 155 Reykjavík
Kt. 471008-0280
Swift/BIC: NBIIISRE
Sími: 410 4000
landsbankinn@landsbankinn.is

Árs- og sjálfbærniskýrsla Landsbankans